Aktori i njohur amerikan, Kevin Spacey u dërgua me urgjencë në spital, pas një sëmundjeje të rëndë.
Aktori fitues i Oskarit iu nënshtrua një ndërhyrje gjatë Festivalit të 15-të Ndërkombëtar të Filmit në Tashkent në Uzbekistan.
Sipas një raporti të The Sun, aktori ndjeu një dhimbje të fortë, ndërsa “dora e majtë u mpi për rreth tetë sekonda”.
Ylli u dërgua në klinikën Innova të qytetit për t’iu nënshtruar një sërë testesh pasi kishte frikë se ai mund të kishte pësuar një atak në zemër.
Kevin Spacey is rushed to hospital fearing ‘heart attack’ after ‘going numb in one arm’ at film festival https://t.co/3mHHxvjV6a
— World News (@worldnewstweet_) October 4, 2023
Një burim i afërt me aktorin tha për The Sun: “Spacey është dërguar në një qendër mjekësore për arsye shëndetësore. Stafi dhe mjekët zbuluan se ai nuk kishte asnjë problem me zemrën”.
Menjëherë pas kësaj, ai u rishfaq në skenë dhe siguroi turmën se shëndeti i tij ishte në nivel normal.
“Ai moment më bëri të kuptoj se sa e rëndësishme është jeta për të gjithë ne”, tha ai gjatë ceremonisë dhe shtoi: “Përjetova diçka të papritur. Menjëherë u thashë njerëzve që ishin me mua dhe shkuam menjëherë në qendrën mjekësore. Aty e kalova pasditen duke bërë teste të ndryshme. Stafi u kujdes për mua dhe bëri një MRI. Gjithçka doli të ishte krejtësisht normale dhe jam mirënjohës që nuk është asgjë më serioze”.
